سياسة الخصوصية

1.مين إحنا

«مُحْكَم» شركة برمجيات مقرّها دبي، الإمارات العربية المتحدة، وبتقدّم في مصر نظامين: «نوفيلا» للصالونات و«كلينيفا» للعيادات. المساعدة الذكية «ياسمين» بترد باسمنا على الواتساب.

2.البيانات اللي بنستلمها

• لما تكلّم ياسمين على الواتساب: رقمك واسمك الظاهر، ونص رسائلك والصور أو الفويسات اللي بتبعتها، ووقت الرسالة. ولو بعت صورة تحويل للدفع، بنحتفظ بيها علشان نتأكد إن المبلغ وصل.
• اللي بتقوله لنا بنفسك أثناء المحادثة، زي نوع شغلك واسم نشاطك ومنطقتك.
• لما تجرّب المساعدة على مواقع نوفيلا وكلينيفا: نص الرسائل اللي بتكتبها في التجربة، مع رقم جلسة عشوائي بيتحفظ في متصفحك. مش بنطلب اسمك ولا رقمك في التجربة دي.
• مواقعنا مبتستخدمش ملفات تتبّع إعلانية. المتصفح بيحفظ بس اختيارك للوضع الفاتح أو الداكن ومحادثة التجربة.
• مبنطلبش كلمات سر ولا بيانات كروت في المحادثات.

3.بيانات عملائك جوه النظام

لما تستخدم نوفيلا أو كلينيفا، بيانات عملائك أو مرضاك (الأسماء، الأرقام، الحجوزات، إجابات الاستمارة) بنعالجها بالنيابة عنك وبس علشان نشغّل الخدمة ليك. مبيشوفهاش غيرك واللي تديهم صلاحية، ومبنستخدمهاش في أي حاجة تانية. التفاصيل في شروط الاستخدام.

4.بنستخدمها في إيه

• علشان نرد على أسئلتك عن نوفيلا وكلينيفا والتجربة المجانية والأسعار، ونفتحلك الحساب.
• علشان نتابع طلبك، ونأكد الدفع، ونحوّل المحادثة لفريقنا لما تحتاج حد من البشر.
• علشان نحسّن جودة الردود ونكشف الإساءة والرسائل المزعجة.
• مبنبيعش بياناتك، ومبنشاركهاش مع أي جهة لأغراض تسويقية، ومبنستخدمهاش لبناء إعلانات.

5.الذكاء الاصطناعي ومعالجة البيانات

نصوص المحادثة بتتبعت لمزوّد نموذج لغوي علشان يكتب الرد، ومش مسموح له يحتفظ بيها لتدريب نماذجه. «مُحْكَم» بتستضيف بياناتها على سيرفرات خاصة، والدخول عليها مقصور على فريقنا المخوّل.

6.مدة الاحتفاظ

• بنحتفظ بمحادثاتك مع ياسمين طول ما إنت بتتعامل معانا، وبنمسحها لما تطلب خلال 30 يوم كحد أقصى.
• رسائل تجربة المساعدة على المواقع بنحتفظ بيها لفترة قصيرة علشان نحسّن الردود ونمنع الإساءة.
• بيانات حساب النظام بتتمسح بعد 14 يوم من انتهاء الاشتراك، والنسخ الاحتياطية بعد 30 يوم.

7.حقوقك ومسح بياناتك

تقدر في أي وقت تطلب نسخة من بياناتك أو تمسحها بالكامل. ابعت طلبك لياسمين على الواتساب أو على البريد hello@muhkam.ae، وبننفّذه خلال 30 يوم كحد أقصى.

8.الأطفال

خدماتنا موجّهة للأعمال والبالغين، ومبنجمعش عن قصد بيانات حد عمره أقل من 13 سنة.

9.التعديلات

ممكن نحدّث السياسة دي، وبنكتب تاريخ آخر تحديث في أول الصفحة.

10.التواصل

واتساب: ياسمين، مُحْكَم · البريد: hello@muhkam.ae