مُحْكَمنوفيلا · كلينيفا
English كلّم ياسمين

جديد في مصرمساعدة ذكية على واتساب شغلك

مساعدة ذكية بترد على عملائك على الواتساب، ليل ونهار، باللهجة المصرية.

مُحْكَم بتقدّم نظامين للشغل اللي ماشي بالمواعيد: نوفيلا للكوافير والبيوتي سنتر، وكلينيفا للعيادات. المساعدة بترد على نفس رقمك، بتحجز المواعيد، والنظام بيتابع عملائك لوحده.

كلّم ياسمين على الواتساب اختار نظامك

رد أسرع وخدمة أحسن يعني عملاء أكتر بيكمّلوا معاك. ولكل نوع شغل نظامه.

شغلك إيه؟

نظامين، عيلة واحدة. اختار نوع شغلك وروح لموقع نظامه. وكل نظام ليه نسخة تجريبية تقدر تدخلها دلوقتي وتشوفه من جوه.

نوفيلا

للكوافير والبيوتي سنتر، والصالونات الرجالي

بتحجز المواعيد في الأوقات الفاضية فعلاً، بتبعت للعميلة تذكير قبل ميعادها، وبتكلمها لما ييجي وقت الزيارة الجاية.
إيه اللي جوه نوفيلا

المساعدة سلمى

شوف الموقع جرّب الديمو

كلينيفا

للعيادات: أسنان، جلدية، تجميل وليزر، وعام

بتحجز الكشف مع الدكتور الصح في الوقت الفاضي، وبتسأل المريض أسئلة الاستمارة بتاعتك، فتوصلك بياناته قبل ما يوصل.
إيه اللي جوه كلينيفا

المساعدة نور

شوف الموقع جرّب الديمو

شغلك مش هنا؟ كلّم ياسمين على الواتساب

من أول رسالة لياسمين، لأول عميل المساعدة بترد عليه.

مفيش حاجة تركّبها، ومش لازم تفهم في التكنولوجيا. أربع خطوات، وفريق مُحْكَم معاك فيهم.

  1. ياسمين بتفتحلك الحسابكلّم ياسمين على الواتساب، وهي تفتحلك تجربة 7 أيام مجاناً على نوع شغلك: صالون أو عيادة.
  2. تربط رقم الواتساب بتاعكنفس الرقم اللي عملاؤك عارفينه، بتربطه من موبايلك بكود ربط أو QR.
  3. تكتب خدماتك وأسعارك ومواعيدكمن التطبيق، وجواه جولة بتشرحلك كل صفحة. أو تبعتهم لياسمين على الواتساب وهي تدخّلهم عنك، وتقرالك اللي كتبته عشان تتأكد.
  4. المساعدة تبدأ تردتجرّبها الأول كأنك عميل، وبعدين تشغّلها. وإنت شايف كل كلمة، وتقدر تدخل في أي وقت.
المساعدة الذكية، جديد في مصر

بترد زي أحسن موظفة استقبال، ومبتنامش.

بتتكلم من المعلومات اللي إنت بتكتبها وبس: خدماتك، أسعارك، مواعيدك، وملاحظاتك. وتسمّيها زي ما تحب.

  • ليل ونهار، باللهجة المصريةولو العميل كتب بالإنجليزي، بترد عليه بإنجليزي بسيط.
  • بتحجز بس في الفاضي فعلاًبتشوف التقويم قبل ما توعد، ومفيش حجزين عند نفس الشخص في نفس الوقت.
  • بتفهم الفويساتالعميل يبعت فويس، وهي تفهمه وترد عليه.
  • لو مش عارفة، بتسألك إنتبتقول للعميل «هتأكد وأرجعلك»، وبتسألك. ترد إنت، وهي توصّل الرد، وتقدر تحفظه للمرة الجاية.
  • «علّمها» مرة واحدةالعنوان، طريقة الدفع، العروض… تكتبها مرة، وهي ترد منها. أو تبعتها لياسمين على الواتساب وهي تضيفها.
  • بتسأل أسئلة استمارتكبعد الحجز، بتسأل الأسئلة اللي إنت كاتبها، والإجابات بتطلع على الميعاد نفسه.
من نوفيلا. ونفس المساعدة بتشتغل في كلينيفا مع مرضى العيادة.

فيه حاجات مبتعملهاش أبداً.

المساعدة بترد وبتحجز، بس القرار ليك. وكل حاجة حساسة بتوصلك إنت.

مبتعملش

مهما العميل سأل أو ألحّ.

  • مبتخترعش سعر ولا خصمبتتكلم بس من الأسعار اللي إنت كاتبها، وطلب الخصم بيوصلك.
  • مبتديش نصايح طبيةفي العيادات: لا تشخيص ولا دوا. الدكتور هو اللي يقرر.
  • مبتوعدش بنتايجلا نتيجة جلسة ليزر، ولا لون صبغة مضمون.
  • مبتتكلمش عن عميل مع عميل تانيولا بتدي بيانات حد لغيره.
  • مبتحجزش في وقت مش فاضيبتشوف التقويم الأول، ومفيش حجزين عند نفس الشخص في نفس الوقت.

بتوصلك إنت فوراً

المحادثة بتتعلّم «عايزة رد منك»، ويوصلك تنبيه على الواتساب.

  • الشكاوىعميل زعلان، أو شكوى على خدمة.
  • الحالات الطارئةفي العيادة بتبلّغ الدكتور فوراً، ولو مردّش بتنصح المريض بهدوء يروح المستشفى.
  • طلبات الخصم والتقسيط والاسترجاعقرارك إنت، مش قرارها.
  • أي سؤال ملهوش رد عندهابتسألك، وتوصّل ردك للعميل.
تنبيهواتساب

عايزة رد منك: شكوى على لون صبغة. المساعدة اعتذرت للعميلة وقالتلها إنك هتكلمها.

المحادثات من نوفيلا: اللي عايزة رد منك فوق، و«استلم أنا» بضغطة.

شايف كل كلمة، وتستلم في أي لحظة.

  • استلم أناتاخد أي محادثة بضغطةمن التطبيق أو تكتب من موبايلك على طول، والمساعدة تسكت مع العميل ده. ولما تحب، ترجّعهالها بضغطة.
  • جرّبهاتجرّبها قبل ما تشغّلهاكلّمها كأنك عميل، وشوف بترد إزاي قبل ما توصل لحد.
  • تشغيل / إيقافتطفيها وقت ما تحبمن صفحة المساعدة، وترجّع تشغّلها بنفس السهولة.
  • تنبيهعلى موبايلكأي حاجة محتاجاك بيوصلك عليها تنبيه على الواتساب، وبتطلع فوق في المحادثات.
النظام اللي ورا المساعدة

ولا عميل بيتنسي.

حتى لو عايز ترد بنفسك، النظام بيرتّب عملاءك وبيبعت الرسائل في وقتها. إنت مبتكتبش ولا رسالة منهم، وتقدر تعدّل أي كلمة.

مراحل بتمشي لوحدها كل عميل في مرحلة، ولكل مرحلة رسالتها. حجز؟ بينتقل لوحده. زار؟ بينتقل وبتطلع رسالة الشكر. ومع كل زيارة جديدة الدورة بتبدأ من الأول.
عميل جديدحجز ميعادزارنامحجزش
ترحيب ومتابعات رسالة أول مرة، وبعدها متابعات في الأيام اللي تحددها. كل رسالة بتتبعت مرة واحدة بس، وبتقف لوحدها أول ما يحجز.
تذكير قبل الميعاد قبل ميعاد الصالون، أو كشف العيادة.
شكر، و«جه وقت الزيارة الجاية؟» شكر بعد الزيارة، ودعوة للزيارة الجاية بعدها. ومع كل زيارة من جديد.
كل المحادثات في مكان واحد صندوق واحد لكل الواتساب، وفوقه اللي عايزة رد منك.
إرسال بيحمي رقمك بيبعت بس في مواعيد الشغل، بفواصل زي البني آدمين، مع حد يومي، و«بيكتب…» قبل كل رسالة. محدش يقدر يضمن حاجة مع واتساب، بس النظام معمول عشان يحمي رقمك.
ساعات الإرسال09:00 - 21:00
بين رسالة والتانية35 - 90 s
قبل كل رسالةبيكتب…
عملاؤك القدام معاك ارفع ملف Excel، والأرقام المصرية بتتفهم بأي شكل اتكتبت.
أكتر من رقم واتساب كل رقم إضافي 1,000 جنيه في الشهر، وإحنا اللي بنضيفه. ولو رقم وقع، التاني بيكمّل مكانه.
رسائل جاهزة باللهجة المصرية قوالب باسم العميل واسم مكانك، وتقدر تعدّل أي كلمة.
كله من موبايلك على الكمبيوتر أو على الموبايل، حتى ربط الواتساب من نفس الموبايل.

نفس الأساس، وكل نظام معمول لشغله.

الصالون محتاج مواعيد لكل حد في الفريق، والعيادة محتاجة جدول لكل دكتور واستمارة قبل الزيارة. ده اللي هتلاقيه في كل واحد.

نوفيلا

للكوافير والبيوتي سنتر، والصالونات الرجالي
  • تقويم مواعيد لكل حد في الفريق، والخدمات بأسعارها ومدتها ومين بيعملها
  • مواعيد الشغل والإجازات ورمضان
  • بتحجز وبتغيّر وبتلغي المواعيد، بس في الأوقات الفاضية فعلاً
  • تذكير قبل الميعاد، شكر بعد الزيارة، ودعوة للزيارة الجاية بعد 25 يوم
  • بضغطة «جت» من التقويم تعرف مين زارتك، ومين محتاجة تفكّرها ترجع

المساعدة: سلمى

شوف الموقع جرّب الديمو

كلينيفا

للعيادات: أسنان، جلدية، تجميل وليزر، وعام
  • جدول لكل دكتور، ومفيش حجزين في نفس الوقت
  • أنواع الكشف بسعرها ومدتها، وشغل على فترتين وأيام خاصة
  • استمارة قبل الزيارة بأسئلتك إنت، والإجابات على الميعاد
  • تذكير قبل الميعاد، «عامل إيه بعد الزيارة؟» بعد 3 أيام، وتذكير المتابعة الدورية
  • مبتديش نصايح طبية، والحالة الطارئة بتوصلك فوراً كمستعجلة

المساعدة: نور

شوف الموقع جرّب الديمو

معمول لمصر: لأرقامنا، ولهجتنا، ومواعيدنا.

  • أرقام مصرية عاديةمكتوبة بأي شكل، النظام بيفهمها.010 1234 5678+20 10 1234 5678
  • باللهجة المصرية، وبتوقيت القاهرةالمساعدة والرسائل باللهجة المصرية، والمواعيد وساعات الإرسال بتوقيت القاهرة.
  • خفيف على أي نتعلى الكمبيوتر أو الموبايل، والتطبيق معمول يشتغل حتى لو النت ضعيف.
  • لو النت أو الكهربا قطعت عندكالرسائل والردود بتطلع من عندنا كجهاز مربوط بواتساب، فبتمشي حتى لو موبايلك مقفول.

بس خلّي موبايلك يتصل بالنت مرة كل كام يوم، لأن واتساب بيفصل الأجهزة المربوطة لو الموبايل غاب فترة طويلة. ولو الرقم اتفصل، ياسمين بتنبّهك، والرسائل بتستنى وتطلع أول ما يرجع، لحد 3 أيام.

الدعم

بعد ما تشترك، ياسمين معاك برضه.

نفس الرقم اللي كلمته عشان تشترك، بيرد عليك كعميل. وورا ياسمين فريق مُحْكَم.

  • بتفحص حسابكلو فيه حاجة مش ماشية، بتشوف أرقامك متصلة ولا لأ، وإيه اللي اتبعت وإيه اللي وقف، وبتقولك المشكلة بكلام واضح.
  • بتدخّل بياناتك عنكخدماتك ومواعيدك، وأي حاجة عايز تعلّمها للمساعدة. بتقرالك اللي كتبته، ومبتحفظش غير لما تقول «تمام».
  • بتنبّهك لو رقمك اتفصلوبتساعدك تربطه تاني.
  • الفواتير والدفع على الواتسابتبعتلها صورة التحويل بإنستاباي أو البنك، وهي تتأكد مع الفريق إنه وصل. وأي مشكلة تقنية أو طلب ميزة، بتفتحه للفريق وبتتابعه معاك.
ياسمينعلى الواتساب، من مُحْكَم
أهلاً ياسمين، التذكيرات مش بتطلع النهارده10:12
ياسمينأهلاً بيك، خليني أشوف. رقم المحل مفصول من الصبح، علشان كده الرسائل مستنية. افتح «واتساب» في التطبيق واربطه تاني بكود الربط، وأول ما يرجع هتطلع.10:12
تمام، ربطته10:15
ياسمينتمام، شايفاه متصل دلوقتي، والرسائل اللي كانت مستنية بتطلع.10:15
شغل عملناه

أنظمة حقيقية، شغّالة في شركات حقيقية.

كل شغل هنا نظام شغّال النهارده في شركة حقيقية: كان إيه اللي واقف، بنينا إيه، وإيه اللي اتغيّر.

تأجير سياراتالإمارات

موظفة ذكاء اصطناعي على واتساب لشركة تأجير سيارات

المشكلة
الاستفسارات بتيجي بالليل وفي الإجازات، والرد بيستنى للصبح، ولحد ما ييجي يكون العميل حجز عند غيرهم.
اللي بنيناه
موظفة ذكية على رقم واتساب الشركة، بترد في ثواني طول اليوم بالعربي والإنجليزي، وبتاخد الأسعار من النظام، وبتسلّم المحادثة للفريق لحظة القرار.
النتيجة
المحادثة بتوصل للفريق جاهزة للإغلاق، بدل ما توصل باردة الصبح.

تمويلالسعودية

رواد الخدمات

المشكلة
طلبات التمويل بتعدّي على مراحل كتير، ومع المتابعة اليدوية كانت بتقف، والعميل مش عارف طلبه وصل لفين.
اللي بنيناه
مسار من 9 مراحل، وقراءة آلية للتقرير الائتماني، ورسالة واتساب للعميل عند كل مرحلة من غير ما حد يكتبها.
النتيجة
أكتر من 4,500 طلب عدّوا عليه، ولكل طلب مسؤول معروف ومرحلة واضحة.

توزيع مستحضرات تجميلالإمارات

Clear & Shine

المشكلة
زيارات المندوبين والعيّنات كانت متسجّلة بعيد عن المخزون والفواتير، ومحدش شايف الصورة كاملة.
اللي بنيناه
تطبيق مبيعات ميدانية بيحدّث المخزون مع كل زيارة وعيّنة، ووراه نظام محاسبة كامل بدل الدفاتر اليدوية.
النتيجة
فريق الميدان والمحاسب بيشوفوا نفس الصورة في نفس اللحظة.

مكتب تصميم داخليالإمارات

الشاهين

المشكلة
عروض الأسعار والعقود والفواتير وأوامر المقاولين كانت متفرّقة بين ملفات وجداول ومحادثات واتساب.
اللي بنيناه
نظام واحد للدورة كلها: عروض أسعار وعقود بالعربي والإنجليزي، فواتير مربوطة بالدفعات، أوامر عمل للمقاولين، ومتابعة المهام بصور قبل وبعد.
النتيجة
المشروع كله في مكان واحد، والصور على المهمة نفسها مش ضايعة في محادثة.

تجارة مواد بناءالإمارات

Harmony

المشكلة
المبيعات والمشتريات والمصاريف كل واحدة لوحدها، فالإيراد معروف لكن الربح الفعلي لأ.
اللي بنيناه
نظام تجارة ومحاسبة كامل، ولوحة بتحسب صافي الربح لحظة بلحظة.
النتيجة
صاحب الشركة بيشوف ربح النهارده، مش إيراد آخر الشهر.

السفرمنصة اشتراكات

Farenheit

المشكلة
نزول أسعار درجة رجال الأعمال والدرجة الأولى بيختفي في ساعات، ومحدش يقدر يراقب عشرات الخطوط كل يوم.
اللي بنيناه
منصة بتراقب خطوط ودرجات محددة طول اليوم، وبتنبّه المشترك لحظة ما السعر ينزل.
النتيجة
بحث يدوي كان بياخد يوم كامل بقى تنبيه بيوصل لوحده.

وأكتر من 20 موقع.

كل موقع بلغتين لما السوق يحتاج، معمول للموبايل الأول، وفوق 80 في سرعة الصفحة.

  • 2ebre Centerمركز علم نفس · مصر
  • Beauty & Coمتجر عطور · مصر
  • Davinci Lab Officialمصنع منتجات عناية بالبشرة · إيطاليا
  • Clear & Shineمتجر عناية بالبشرة · الإمارات
  • Dermalifeعلامة عناية بالبشرة · الإمارات
  • رواد الخدماتخدمات مالية · السعودية
  • Amacarتأجير سيارات · الإمارات
  • Perlina Jewelleryمتجر مجوهرات · الإمارات
«هذا الفريق بنى موقعي وكان كل شيء مثالياً. ليس جيداً فقط، بل مثالياً. التصميم والألوان وكل شيء يستحق عشرة من عشرة، والدعم متجاوب دائماً كلما احتجت أي تعديل.»
عبد الله حريريصاحب 2ebre.com، مصر
«بفضل احترافيتهم وتخطيطهم الدقيق خرج موقعنا رائعاً وأنيقاً، بحلول سريعة وذكية. سيوجّهونك إلى الاتجاه الصحيح.»
مؤيد بديرصاحب The Cotton Zone
«استلمت موقعي في أقل من 73 ساعة. خدمة رائعة وأنصح بها.»
محمد علاءصاحب شركة تسويق
مراجعات منشورة على Trustpilot عن شغلنا في المواقع تحت اسم Webigo، الاسم القديم لمُحْكَم. كل الأعمال على muhkam.ae

سعر واحد، ونفس السعر للنظامين.

5,000 جنيه في الشهر، كل حاجة فيه مع المساعدة الذكية · أول 7 أيام مجاناً · رقم واتساب إضافي 1,000 جنيه

النظام + المساعدة الذكية

جديد في مصر
5,000جنيه في الشهر

نظام شغلك كامل، صالون أو عيادة، ومعاه مساعدة ذكية بترد وبتحجز عنك.

كلّم ياسمين
  • النظام الخاص بشغلك: تقويم لكل حد في الفريق، أو جدول لكل دكتور
  • مراحل العملاء، والترحيب والمتابعات والتذكير لوحدهم
  • كل محادثات الواتساب في مكان واحد، واستيراد من Excel
  • مساعدة بترد على عملائك ليل ونهار باللهجة المصرية
  • بتحجز بس في الفاضي فعلاً
  • بتسأل أسئلة استمارتك
  • مبتديش سعر أو خصم من عندها، والشكاوى بتوصلك
  • بتفهم الفويسات
  • تجرّبها قبل ما تشغّلها، وتستلم مكانها في أي وقت
  • أول 7 أيام مجاناً، على حسابك الحقيقي
  • كل رقم واتساب إضافي 1,000 جنيه في الشهر
  • الدفع شهري بإنستاباي أو تحويل بنكي
  • مفيش تجديد تلقائي ولا خصم تلقائي
  • النسخ التجريبية مفتوحة مجاناً، جرّبها في أي وقت

أسئلة أصحاب الشغل.

أيوه. المساعدة بترد على نفس رقم الواتساب اللي عملاؤك عارفينه. بتربطه من موبايلك بكود ربط أو QR، والرسائل بتطلع من عندنا كجهاز مربوط، وإنت بتفضل تستخدم الواتساب على موبايلك عادي.

لا ده ولا ده. ياسمين بتفتحلك الحساب، وكل حاجة بتشتغل من الموبايل، حتى ربط الواتساب. وجوه التطبيق فيه جولة بتشرحلك كل صفحة، ولو وقفت عند حاجة، ياسمين أو الفريق بيساعدوك خطوة بخطوة.

أيوه. المساعدة اللي بترد على عملائك بتتكلم باللهجة المصرية، والرسائل الجاهزة كمان. ولو العميل كتب بالإنجليزي، بترد عليه بإنجليزي بسيط.

مبتخترعش. بتقول للعميل إنها هتتأكد وبتسألك إنت، وبتوصّل ردك للعميل من غير ما تفتح المحادثة. وتقدر تحفظ الرد عشان تعرفه المرة الجاية.

أكيد. تستلم أي محادثة في أي وقت، من التطبيق أو من موبايلك على طول، والمساعدة تسكت مع العميل ده. ولما تحب، ترجّعلها المحادثة بضغطة. وتقدر تطفيها كلها من صفحتها وترجّع تشغّلها وقت ما تحب.

مفيش حجزين في نفس الوقت. المساعدة بتعرض بس الفاضي فعلاً، واللي يحجز الأول ياخده: مفيش ميعادين عند نفس الشخص في الفريق أو نفس الدكتور في نفس الوقت.

الرسائل والردود بتطلع من عندنا كجهاز مربوط بواتساب، فبتمشي حتى لو موبايلك مقفول أو النت عندك ضعيف. بس خلّي موبايلك يتصل بالنت مرة كل كام يوم، لأن واتساب بيفصل الأجهزة المربوطة لو الموبايل غاب فترة طويلة. ولو عندك رقم تاني، بيكمّل مكان الرقم اللي وقع.

محدش يقدر يضمن ده مع واتساب. بس النظام معمول عشان يحمي رقمك: بيبعت بس في مواعيد الشغل، بفواصل زي البني آدمين، مع حد يومي، و«بيكتب…» قبل كل رسالة. وأحسن حماية إنك تراسل عملاء يعرفوك.

أول 7 أيام مجاناً على حسابك الحقيقي. بعدها 5,000 جنيه في الشهر لأي نظام من النظامين، كل حاجة فيه مع المساعدة الذكية، وكل رقم واتساب إضافي 1,000 جنيه. الدفع شهري بإنستاباي أو تحويل بنكي: تبعت صورة التحويل لياسمين على الواتساب، والفريق بيتأكد إنه وصل. ومفيش تجديد تلقائي.

جرّب النسخة التجريبية لشغلك من فوق، وبعدين كلّم ياسمين على الواتساب. هي بتفتحلك تجربة 7 أيام مجاناً، تربط رقمك من الموبايل، وتضيف خدماتك وأسعارك ومواعيدك.

عندك سؤال تاني؟ كلّم ياسمين على الواتساب، بترد في ثواني.

مش متأكد أنهي نظام؟

كلّم ياسمين على الواتساب.

ياسمين هي المساعدة الذكية بتاعة مُحْكَم. قولها شغلك إيه، تقولك أنهي نظام يناسبك، ولو حابب تبدأ بتفتحلك تجربة 7 أيام مجاناً. بترد في ثواني، بالعربي أو بالإنجليزي، وفي أي وقت تقدر تطلب تكلّم حد من الفريق.

الفريق اللي ورا مُحْكَم

  • قصيالمؤسس
  • مصطفىشريك مُحْكَم في مصر
  • Blazeمهندس الأنظمة، ذكاء اصطناعي
  • ياسمينالمبيعات والدعم، ذكاء اصطناعي
ياسمينعلى الواتساب، من مُحْكَم
أهلاً ياسمين، عايز أعرف أنهي نظام يناسب شغلي21:04
ياسمينأهلاً وسهلاً. شغلك صالون أو بيوتي سنتر، ولا عيادة؟ وقولي اسمك واسم المكان عشان أرتّبلك كل حاجة.21:04